🇺🇸🇭🇹
Embedded Files
Achiv Telechajman ZL
Achiv Telechajman ZL
Achiv telechajman ZL yo gen yon seri imaj sistèm òdinatè estanda ki deja konfigire. Ou ka telechaje imaj sa yo gratis epi enstale yo sou òdinatè ou deja genyen. Imaj sa yo gen sistèm eksplwatasyon Linux ansanm ak lojisyèl ki deja enstale ak konfigire pou diferan kalite itilizasyon. Pou jwenn epi itilize youn nan imaj sa yo, gen twa etap pou swiv. Gade seksyon « Kesyon moun poze souvan sou imaj sistèm yo » pou plis detay.
Achiv telechajman ZL yo gen yon seri imaj sistèm òdinatè estanda ki deja konfigire. Ou ka telechaje imaj sa yo gratis epi enstale yo sou òdinatè ou deja genyen. Imaj sa yo gen sistèm eksplwatasyon Linux ansanm ak lojisyèl ki deja enstale ak konfigire pou diferan kalite itilizasyon. Pou jwenn epi itilize youn nan imaj sa yo, gen twa etap pou swiv. Gade seksyon « Kesyon moun poze souvan sou imaj sistèm yo » pou plis detay.
Achiv Imaj Sistèm Yo
Achiv Imaj Sistèm Yo
Imaj Pou Kay ak Biwo
Imaj Pou Kay ak Biwo
La Maison Et Le Bureau (Kay ak Biwo)
⬇️ Maison_et_Bureau.260813.1.0_21GB.zip (5.6GB)
Linux Mint 22.2; Kle USB pou enstalasyon: 5.6GB; Espas ki nesesè sou òdinatè kote w ap enstale sistèm nan: 21GB
Inivèsite
Inivèsite
Université (Inivèsite)
Imaj jeneral ki fonksyone poukont yo (pou enstalasyon san rezo oswa sou rezo ki pa gen sèvè resous)
⬇️ Universite_General.260813.1.0_44GB.zip (12.3GB)
Linux Mint 22.2; Kle USB pou enstalasyon: 12.3GB; Espas ki nesesè sou òdinatè kote w ap enstale sistèm nan: 44GB
Lekòl Segondè
Lekòl Segondè
AF7 - NS4 (Lekòl segondè)
Imaj jeneral ki fonksyone poukont yo (pou enstalasyon san rezo oswa sou rezo ki pa gen sèvè resous)
⬇️ NS_General.260905.1.0_22GB.zip (6.5GB)
Linux Mint 22.2; Kle USB pou enstalasyon: 6.5GB; Espas ki nesesè sou òdinatè kote w ap enstale sistèm nan: 22GB
Lekòl Primè
Lekòl Primè
👷🏾 🚧 Ap disponib byento...
Kesyon Moun Poze Souvan Sou Imaj Sistèm Yo (FAQs)
Kesyon Moun Poze Souvan Sou Imaj Sistèm Yo (FAQs)
Kisa Imaj Sistèm Sa Yo Ye Egzakteman?
Kisa Imaj Sistèm Sa Yo Ye Egzakteman?
Fichye imaj yo pèmèt ou fè yon kopi sistèm eksplwatasyon ak lojisyèl ki sou yon òdinatè pou mete yo sou yon lòt òdinatè. Imaj ZL yo se kopi sistèm Linux ZanmiLwen deja konfigire pou moun itilize ann Ayiti.
Chak imaj, oswa gwoup imaj, pèmèt ou jwenn yon sistèm Linux konplè, ki pare pou itilize depi enstalasyon an fini, avèk anpil lojisyèl ki deja enstale. Imaj « Kay ak Biwo » yo gen lojisyèl moun itilize souvan sou òdinatè pou travay jeneral. Imaj ki fèt pou lekòl ak inivèsite yo gen lojisyèl ki itil pou ansèyman ak aprantisaj.
Ou ka enstale yon imaj ZL sou yon nouvo òdinatè oswa itilize li pou ranplase sistèm eksplwatasyon ki deja sou yon òdinatè.
Ki Avantaj Imaj ZL Yo Genyen?
Ki Avantaj Imaj ZL Yo Genyen?
Menmsi li posib pou telechaje epi enstale Linux ansanm ak tout lojisyèl ki nesesè pou fè yon òdinatè fonksyone, sèvi ak yon imaj ZL gen anpil avantaj. Men kèk ladan yo:
Konfigirasyon ki deja fèt: Anpil nan paramèt teknik ki nesesè pou enstale sistèm eksplwatasyon an deja regle. Sa gen ladan l fason disk la divize an patisyon, zòn lè a, konbinezon touch pou ekri karaktè espesyal, lang sistèm nan itilize pa defo, ak paramèt jesyon enèji.
Lojisyèl ki deja enstale: Yon gwo kantite lojisyèl deja enstale sou sistèm nan. Konsa, ou pa bezwen konnen tousuit ki lojisyèl pou w enstale pou kòmanse travay. Gen anpil chans pou w pa bezwen telechaje anpil lòt lojisyèl, petèt ou pap bezwen telechaje okenn ditou.
Enstalasyon ak restorasyon rapid: Depi ou fin kreye kle USB restorasyon ZL la, ou ka fè kopi sistèm nan pi vit pase lè w ap enstale yon sistèm eksplwatasyon ak tout lojisyèl li yo youn apre lòt. Nan kèk ka, restorasyon an ka fèt nan anviwon senk minit.
Ou pa bezwen gwo konesans teknik: Pwosesis enstalasyon ZL la pa mande konesans teknik avanse. Anplis, paske li fasil epi rapid pou retabli sistèm nan, sa ankouraje moun fè eksperyans epi aprann. Ou ka toujou remete sistèm nan nan eta li te ye lè yo te ba ou li a, san anpil efò.
Èske Nou Genyen Imaj MS Windows?
Èske Nou Genyen Imaj MS Windows?
Non. Tout imaj nou mete disponib pou telechaje yo baze sou Linux. Si w ap resevwa òdinatè nan men ZanmiLwen, ou ka mande òdinatè ki gen Linux oswa Windows. Men, poutèt kondisyon lisans lojisyèl Windows yo, nou pa kapab distribye imaj Windows ki gen lisans valab atravè telechajman.
Ki Imaj Mwen Bezwen?
Ki Imaj Mwen Bezwen?
An jeneral, gen kat gwo kategori imaj:
Imaj pou itilizasyon jeneral « Kay ak Biwo »
Imaj pou inivèsite
Imaj pou lekòl segondè
Imaj pou lekòl primè
Nou prezante detay sou imaj sa yo pi ba a. Sèvi ak Asistan Seleksyon ZL la pou jwenn byen vit imaj ki pi bon pou bezwen w yo.
Imaj pou itilizasyon jeneral yo fèt pou kay ak biwo. Si w pa fin sèten ki imaj ou bezwen, se pi bon chwa a. Remake tou, òdinatè lekòl ak inivèsite itilize pou travay ki pa gen rapò dirèk ak ansèyman ta dwe itilize youn nan imaj sa yo.
Pou sal klas ak laboratwa rechèch nan enstitisyon akademik yo, sèvi ak youn nan imaj ki fèt pou edikasyon. Imaj sa yo divize an de soukategori: konfigirasyon avèk sèvè ak konfigirasyon san sèvè (kote chak òdinatè fonksyone poukont li). Nan yon konfigirasyon san sèvè, tout òdinatè yo itilize menm imaj la. Pa gen yon depo santral kote yo konsève resous yo. Chak òdinatè fonksyone poukont li, san li pa depann de lòt òdinatè yo. Se konfigirasyon ki pi senp lan. Li apwopriye pou pifò inivèsite.
Nan yon konfigirasyon ki gen yon sèvè resous, fichye ZIP ou telechaje a gen de imaj ladan l: youn pou sèvè a epi yon lòt pou tout lòt òdinatè ki sou rezo a. Ou pa bezwen fè de telechajman separe. Konfigirasyon sa a ideyal pou lekòl primè ak segondè ki gen aksè limite ak entènèt oswa ki pa gen entènèt ditou. Nan konfigirasyon sa a, yo chwazi yon òdinatè sou rezo a pou sèvi kòm sèvè resous. Yo rele li tou pòs pwofesè a. Tout lòt òdinatè yo sèvi kòm pòs elèv. Sou sèvè a, gen resous lokal tankou Wikipedia, Khan Academy, PhET, Bibliyotèk Gutenberg, ansanm ak lòt resous pou elèv yo, tankou liv ak videyo. Elèv yo ka jwenn resous sa yo atravè yon sit entènèt lokal ki sou sèvè a. Imaj pou pòs elèv yo deja konfigire pou yo kominike ak sèvè a epi itilize sèvis ak resous li yo.
Nan sa ki konsène pyès ak kapasite òdinatè yo, pa gen gwo diferans ant sèvè a ak pòs elèv yo. Sepandan, sèvè a bezwen anpil plis espas sou disk pou konsève resous yo. Sa vle di ou ka chwazi nenpòt òdinatè sou rezo a pou sèvi kòm sèvè. Ou annik bezwen enstale imaj sèvè a sou òdinatè sa a. Pa enstale imaj sèvè a sou plis pase yon òdinatè nan menm rezo a.
Kijan Pou Mwen Itilize Imaj Sa Yo?
Kijan Pou Mwen Itilize Imaj Sa Yo?
Telechaje imaj ou vle a.
Kreye yon kle USB pou enstalasyon.
Demare òdinatè kote w vle enstale sistèm nan avèk kle USB enstalasyon an.
Fè konfigirasyon ki nesesè apre enstalasyon an."
Kijan Pou Mwen Kreye Kle USB Enstalasyon An?
Kijan Pou Mwen Kreye Kle USB Enstalasyon An?
Pou itilize imaj sa yo, ou dwe kòmanse pa kreye yon kle USB pou enstalasyon.
Telechaje imaj ou chwazi a.
Dekonprese fichye ZIP ou telechaje a epi jwenn fichye ki gen ekstansyon `.img` la.
Pran yon kle USB ou pral itilize pou fè enstalasyon an. **Atansyon: tout done ki sou kle USB sa a pral efase.** Kapasite minimòm kle USB ou bezwen an endike pou chak imaj.
Sèvi ak yon pwogram tankou Balena Etcher pou transfere fichye `.img` la sou kle USB a. Sa ap kreye yon kle USB ki kapab demare yon òdinatè pou fè enstalasyon an.
Kijan Pou Wwen Demare Òdinatè a Avèk Kle USB Enstalasyon An?
Kijan Pou Wwen Demare Òdinatè a Avèk Kle USB Enstalasyon An?
Pou enstale yon imaj ZL sou yon òdinatè, ou dwe fè òdinatè a demare sou kle USB enstalasyon an. Fason pou fè sa ka diferan selon mak ak modèl òdinatè a. An jeneral, ou dwe mete kle USB a nan yon pò USB anvan ou limen òdinatè a. Tousuit apre ou fin limen òdinatè a, peze touch ki ouvri meni demaraj la. Men touch yo itilize souvan pou kèk mak òdinatè: ACER: Esc, F12 oswa F9; ASUS: Esc oswa F8; COMPAQ: Esc oswa F9; DELL: F12; EMACHINES: F12; HP: Esc oswa F9; LENOVO: F12, F8, F10 oswa F11; SONY: F11 oswa F10; TOSHIBA: F12.
Men yon egzanp etap pou swiv:
1. Kòmanse avèk òdinatè a etenn.
2. Mete kle USB a nan youn nan pò USB òdinatè a.
3. Limen òdinatè a epi kòmanse peze touch meni demaraj la plizyè fwa tousuit, jouk meni demaraj la parèt.
4. Chwazi kle USB enstalasyon an nan meni demaraj la.
5. Swiv enstriksyon ki parèt sou ekran an.
Kijan Pou Wwen Konfigire Yon Rezo Ki Gen Sèvè?
Kijan Pou Wwen Konfigire Yon Rezo Ki Gen Sèvè?
👷🏾 🚧 Ap disponib byento...
Poukisa Kle USB Enstalasyon Mwen An Pa Demare?
Poukisa Kle USB Enstalasyon Mwen An Pa Demare?
Si kle USB enstalasyon an pa demare òdinatè a, gen plizyè rezon ki ka lakòz sa.
Teste kle USB a sou yon lòt òdinatè. Si li demare sou lòt òdinatè a, pwoblèm nan gen anpil chans pou l soti nan paramèt BIOS/UEFI premye òdinatè a. Si li pa demare sou lòt òdinatè a nonplis, pwoblèm nan ka soti nan kle USB enstalasyon an. Eseye sèvi ak yon lòt kle USB.
Verifye opsyon « Secure Boot » la dezaktive nan paramèt BIOS/UEFI yo.
Verifye mòd SATA a konfigire sou « AHCI » nan paramèt BIOS/UEFI yo.
Verifye mòd demaraj BIOS/UEFI a konfigire sou « UEFI », pa sou « Legacy ».
Page updated
Report abuse